Farsın şərrindən Allaha sığınıram!

Rəhman Və Rəhim olan Allahın adı ilə!
Ya Rabbi, bu yolunu azmış, özünü müsəlman zənn edən, amma, əslində İslamiyyətdən uzaq olan, qədim tarixə malik olan, amma, bu tarixə xəyanət edən, ölkəsinin yarısından çoxunun türk olduğu halda türk dilində məktəblərin açılmasına belə izin verməməklə 10 milyonlarla müsəlman türkün haqqına girən, ərəbə qarşı ədavətindən yeni məzhəb kəşf edən adına fars deyilən millətin şərrindən sənə sığınıram!
Özünə müsəlman deyən bu qövm nə qədər də cahildir! Mehdi gələcək deyə-deyə Sənin fərz buyurduğun Cümə namazlarını qəza edən bu millət əsrlər boyu İslamiyyətə bayraqdarlıq edən türkə qarşı etdikləri bu haqsızlığın nələrə gətirib çıxaracağını heç düşünmürlər! Anlamırlar ki, bidətin başında dayananların ta təkidirlər. Anlamırlar ki, İmam-ı Azam Əbu Hənifə həzrətləri kimi İslamiyyəti kökündən araşdırıb və növbəti nəsillərə dəyərsiz irs buraxan islam alimi də əslən fars olub. Anlamırlar ki, öz köklərindən sapıblar.
Anlamırlar ki, Firdovsinin yazdığı kimi uydurma hekayələrlə nə özlərinin, nə də ki, başqalarının beyinlərini dumanlandıra bilməyəcəklər: türk bu millətdən fərqli olaraq Tək Tanrı yolundan, yəni, Ey Uca Rəbbim, sənin yolundan dönməmişdir. İndi etdikləri hərəkətlərlə nəyi sübut etməyə çalışırlar? Bizə İslamiyyətimi tədris etmək istəyirlər? ...Hansını ki, biz, əsrlərlə kafirlərə anlatmışıq.
Ya Rabbi! Bu farslar niyə anlamırlar ki, Səməd Behrəngi onlara sübut etdi ki, azəri türklərinə qoşduqları "eşşək" ləqəbi əslində kimə aiddir?! Bunlar niyə özlərini aldatmağı üstün tuturlar ki? Nizami Gəncəvinin nə fars, nə də kürd olmadığını -türk olduğunu anladıqları halda kimi və nəyə görə aldadırlar? Ey Rəbbül-Aləmin, bu qövm niyə anlamır ki, haqsızlığa yol verənlər hər zaman ya daşların, ya da lavanın altında məhv olublar? İndi bunları da buna bənzər bir aqibətin gözlədiyini niyə anlamırlar axı?..
Niyə anlamırlar ki, bu şəkildəki "Allah lafzı" deyil -sadəcə, bunların növbəti bidətləridir? Kimi, nəyi, hansı qüvvəni aldatmaq istəyirlər? Bəyənmədikləri türkün gerbinə bir nəzər salsınlar -Quranın yazısına daha yaxın olan bu od işarəsi türk qəlbində Sənə qarşı olan imanın heç zaman sönməyəcəyini sübut edir! Ya Rabbi, səni aldada bilməyəcəklərini heçmi anlamırlar bu cahillər? Hz. Əli (r.a.)-ni peyğəmbərlərin layiq olduğu məqama qaldırmağın heç bir faydasının olmamasını və bunun həm o dahi şəxsiyyətə, həm də, Rəbbim, Sənə xəyanət olduğunu niyə anlamırlar?
Türkün gec-tez azad olacaq, birləşəcək, bir olacaq, hür olacaq əzmdə olacağına inanmırlar deyəsən. Axı biz bunu sübut etmişik! Axı biz son 1 əsrdə 3 dəfə -1918-ci ildə Ulu Öndərimiz Məhəmməd Əmin Rəsulzadə, 1945-ci ildə Pişəvəri, 1991-ci ildə isə Elçibəyin (Rəhmətini üzərlərində əksik etmə, Ya Rabbi!!!) ideyaları ətrafında birləşməyimiz bunun bariz nümunəsi deyilmi?
Ancaq bir həqiqət var ki, biz layiq olduğumuz qarşılığı görməliyik. Bu dəyişməz həqiqətdir! Sən bizə Kəlamın olan Quranda bunu dəfələrlə bildirmisən. Ya Rabbi, Sən Səni unutmayanları heç zaman unutmazsan! Bizlər səni unutmuşuq, Ya Rabbi! Bizləri əfv et, Ya Rabbi! Başda türk milləti olmaqla, bütün millətləri ayılt! Günahlarımızı bağışla, Ya Rabbi!
Aciz, günahkar qulun İlqar.